Bir çox insan pivəni zərərsiz, yüngül və "istirahət etdirici" bir spirtli içki kimi qəbul edir. Axşam işdən sonra bir şüşə pivə içmək adiləşmiş vərdişə çevrilib.

Milli.Az Rusiya mətbuatına istinadən xəbər verir ki, narkoloq Ruslan İsayev bu barədə xəbərdarlıq edib.

"Gündəlik hətta bir şüşə pivə belə aludəçiliyin ilk əlaməti ola bilər".

Alkoqolizmin başlanğıcı rituallardan keçir

Məsələ yalnız qəbul edilən miqdarda deyil, eyni zamanda alkoqolla yaranan emosional bağlılıqda da gizlidir. Əgər insan pivəsiz rahatlaşa bilmirsə, əsəb və narahatlıq yalnız içkidən sonra keçir, bu artıq narahatedici siqnaldır.

"Nəzarətsiz içki qəbulu asılılığın əsas göstəricilərindəndir", - deyə mütəxəssis bildirir.

Başqa bir əlamət isə istirahət, hobbi və ya yaxınlarla vaxt keçirmək kimi fəaliyyətlərə qarşı marağın azalması, yerinə pivənin seçilməsi ola bilər.

Asılılıq testi: Özünüzü yoxlayın

Narkoloq sadə bir test təklif edir: bir həftəlik pivədən imtina edin. Əgər bu müddətdə sizi narahat edən düşüncələr, əsəbilik və ya pivəyə qayıtmaq arzusu yaranarsa, bu artıq asılılığın formalaşdığını göstərə bilər.

Zərər yalnız psixoloji deyil

Pivə yalnız psixoloji deyil, eyni zamanda fiziki sağlamlığa da ciddi ziyan vurur. Onun tərkibində olan etanol, siyuş yağları və fitoestrogenlər (bitki mənşəli hormonlar) hormonal tarazlığı poza bilər. Bu isə aşağıdakı fəsadlara yol aça bilər:

Ürəyin həddindən artıq yüklənməsi

"Pivə ürəyi" sindromunun inkişafı miokardın genişlənməsi və ürək çatışmazlığı, xüsusilə kişilərdə hormonal pozğunluqlar yaradır.

Nəticə olaraq qeyd edə bilərik ki, pivənin müntəzəm qəbulu zərərsiz bir vərdiş deyil, orqanizmin içəridən yavaş-yavaş məhv edilməsidir.