Ağciyər xəstəlikləri və zəif immunitet problemi ilə mübarizədə təbii vasitələrə arasında gicitkən xüsusi yer tutur.

Milli.Az xəbər verir ki, mütəxəssislərin fikrincə gicitkən tərkibindəki vitamin, mineral və antioksidantlarla immun sistemini gücləndirir və xüsusilə ağciyərləri zərərli maddələrdən təmizləməyə kömək edir. Bu səbəbdən də ağciyər xəstəliklərinə qarşı qoruyucu təsir göstərir və ümumi sağlamlığa fayda verir.

Gicitkən ən çox may-avqust ayları arasında yığılır və xüsusilə çay formasında istifadə edilir. C vitamini, dəmir və yodla zəngin olan bu bitki, həm orqanizmi möhkəmləndirir, həm də dərini yeniləyərək sızanaqları azaldır, həzmi asanlaşdırır və enerji verir.

Ancaq mütəxəssislər xəbərdarlıq edir ki, gicitkənə qarşı allergiyası olan şəxslər bu bitkidən istifadə etməməlidirlər. Bəzi hallarda dəridə qızartı, qaşınma, şişkinlik, hətta nəfəs darlığı və huş itkisi kimi ciddi allergik reaksiyalar yarana bilər.

Gicitkən çayı hazırlanarkən bir yemək qaşığı qurudulmuş gicitkən kifayətdir. Bitki qaynar suya əlavə olunmalı və 5-7 dəqiqə dəmlənməlidir. Daha sonra süzülərək içilə bilər. Mütəxəssislər gündə sadəcə bir stəkan içməyi tövsiyə edirlər, çünki artıq miqdarda qəbul edildikdə orqanizmdə su itkisinə və elektrolit pozuntularına səbəb ola bilər.