-Həkim pasiyentin nəzarət kartını yazır və onun telefon nömrəsini soruşur:
-Pasiyent: XXX XX XX
-Həkim: qızım bu mobil nömrədirmi?
-Bəli
-Həkim: qarşısına nə yazım? Məsələn: 050, 055, 070, 077...
-Heç nə. Mənim nömrəm birbaşa yığılır...
-Həkim (

Həkim USM-dən sonra hamiləyə deyir:
- Hamiləliklə USM uyğun gəlmir. Uşaq siz düşündüyündən 4 həftə böyükdür!
- Hamilənin əri: elə şey ola bilməz. Niyə uyğun gəlmir ki? Ömründə olmaz!
- Həkim: bu cür hallar olur, bəzən rast gəlirik. Dediyilən vaxtla uyğunsuzluq
olur. Əsas odur ki, döl sağlamdır …
- Hamilənin əri: indi başqa ailələrdə nə olur, nə olmur mən deyə bilmərəm. Amma mən reydə çıxdığım vaxtı tam dəqiq bilirəm...

Son 10 ildə 7-ci dəfə hamiləlik qeydiyyatına gələn hamiləyə həkim deyir:
-Qızım sizinlə bu həftə iki dəfə əlaqə yaratmışam. Danışdıq ki, səhər gəlin ac qarına bütün analizlərimiz götürülsün, sənəd işimiz də qurtarsın. Nə əcəb 3-ə işləmiş gəldiniz?
-Hamilənin əri: həkim əslində səhərdən hazırlaşırıq, uşaqları bir-bir geyindir, çayını-çörəyini verib hazırlaşana qədər günorta oldu...
-Həkim: doğrudur. Amma bu hamiləlik də başa çatsın sağ-salamat, daha planla tutun işinizi. Necə fikirləşirsiz?
-Hamilə: həkim yoldaşımla fikirləşirik ki, qurbanolduqlarımızın beşinin adı qalıb hələ, onları da dünyaya gətirək, hamsı birlikdə böyüsün də. Yoxsa yaş fərqi çox olacaq...

Hamiləlik qeydiyyatına həyat yoldaşı ilə gələn pasiyentdən nə soruşdumsa əksər suallara əri cavab verirdi. Yəni sənədin pasport hissəsi, keçirilmiş və irsi xəstəliklər, qohumluq əlaqələrinin olub olmaması, bura qeydiyyata gələnə qədər qonşu respublikada yaşamaları və s.
-Növbəti sual: neçə yaşından ərdəsiniz?
-19-u bunlarda tamam elədim...
-Neçənci hamiləlikdir?
-Oğlan: birinci…
-Hamilə isə onun səhvini düzəldərək həvəslə dedi: yoxx beşincidir…
-Bayaqdan çox həvəslə suallara cavab verən oğlanın rənginin qaçması, əllərinin əsməsi həkimin nəzərindən qaşmadı və dedi: səbirli olun yəqin sualı düzgün başa düşməyib, indi dəqiqləşdirərik, səbirli olun burada nə var ki...
-Həkim: ay qızım bax heç bir il deyil də ərdəsiz doğrudurmu?
-Bəli
-Sizin uzaq başı çox kiçik bir həftələrdə inkişafdan qalmış hamiləliyiniz ola bilər. Beşinci hamiəlik olmaz ki...bir dəqiq fikirləşin...
-Hamilə bir-bir barmaqlarını qatlayaraq ayları saymağa başladı: həkim baax- mart, aprel, may, iyun, iyul 5 ay eləmirmi?
-Hamımız dərindən nəfəs aldıq...oğlanın rəngi yavaş-yavaş özünə gəlməyə başladı...
-Hamilə üzünü ərinə tutub dedi: bəs sən nə deyirsən ki, birincidir? Sonra isə dönüb həkimə baxıb, qulaqlarını çəkərək dedi: Allah eləməsin inkişafdan da qalsın...

Qeydiyyata hamilə gəldi. Evdə ailə üzvləri işdə olduğuna görə nənəsi ilə gəlmişdi. Nənə isə onun qeydiyyata dayanmasının əleyhinə idi.
Hamilənin verdiyi analizlərin, qan testlərinin bir çoxu hazır oldu, məsləhətlərimizi verdikdən sonra üzümü nənəyə tutub dedim:
-Görürsüz gözəl nənə, gözəl xanım müayinələrin cavabı çıxdı, məsləhətimizi verdik. Bundan sonra hər ay beləcə gələcək qadın məsləhətxanasına, müayinədən keçəcək. Oldumu!?
Nənə cavab verdi:
-Qanı azdır hə “doxdur”?
-Bəli
-Amma mən məşvərətxanaya heç getmədim o vaxt, özüm də 7 övlad gətirmişəm dünyaya. Nə özümdə nə də uşaqlarımda qanazlığı olmadı.
-Halaldı sizin kimi xanıma. Sağlam bir nəsil vermisiz, yeddi övlad az deyil. Alqışlayıram sizi
-Hələ mən də anam kimi 12-ni doğmaq istəyirdim. Yoldaşım tez rəhmətə getdi. Yoxsa anamla ötəşə durmuşdum...

-Salam həkim. Hər vaxtınız xeyir.
-Salam. Buyurun...
-Həkim nəvəmi gətirmək istəyirəm yoxlanmağa.
-Nədir problemi, neçə yaşı var?
-Böyük qızdır, uşaq deyil, ərə vermişik, yenicə bilmişik hamilədir.
Dedim gətirərdim “enini, uzununu”ölçərdiniz, yoxlayardınız.
-Anladım, əlbəttə buyurun. Elə sabah həmin poliklinikada,1-ci növbəyəm, lazımi analizlər, müayinələr olunacaq və bütün ölçülər də götürüləcək, narahat olmayın, siz buyurun gəlin…

-Həkim: Bax xanım sizin şikayətlərinizin səbəbi bilindi, insulin dirənci yüksək imiş...
-Pasiyent: Ay dəhşət...indi mən insult olacaam! Elə şey olaar?
-Həkim(