Ağrıkəsici dərmanlar bədənimizdəki ağrıları və narahatlıqları yüngülləşdirmək məqsədilə istifadə edilir. Lakin, bəzi hallarda bu dərmanlar istənilən effekti verməyə bilər və ağrıların azaldılmasında kifayət qədər təsirli olmur. Rusiyalı terapevt Olqa Çistik və əczaçı Dmitri Qurov ağrıkəsicilərin səmərəsizliyinin bir neçə səbəbini açıqlayıblar və onların düzgün şəkildə qəbul edilməsi üçün faydalı tövsiyələr təqdim ediblər.

Bəs ağrıkəsicilərin səmərəsizliyinin səbəbləri nələrdir?

Milli.Azxəbər verir ki, ağrıkəsici dərmanların səmərəliliyini təmin etmək üçün düzgün dozada qəbul olunması çox vacibdir. Çox az doza dərman təsirsiz ola bilər, çox doza isə yan təsirlərə yol aça bilər. Hər bir dərman üçün tövsiyə olunan dozanı aşmaqdan qaçınmaq lazımdır. Ağrıkəsici dərmanların təsirini azaltan amillərdən biri də dərman qəbul edildikdən sonra siqaret çəkmək və ya alkoqol istehlak etməkdir. Həm siqaret, həm də alkoqol ağrıkəsici dərmanların təsirini zəiflədə bilər, beləliklə, ağrıları tamamilə yüngülləşdirmək mümkün olmur.

Bəs ağrıkəsicilərin düzgün qəbulu necə olmalıdır?

İlk olaraq dərmanınızı həkiminizin təyin etdiyi doza uyğun qəbul edin. Dozanı özbaşına artırmayın və ya azaltmayın. Ağrıkəsici dərman qəbul etdikdən sonra siqaret çəkməyin və alkoqol istifadəsindən qaçının. Bu maddələr dərmanın təsirini zəiflədir və onun effektivliyini azaldır. Dərmanların qəbul edilmə vaxtı, yeməklə və ya yeməksiz qəbul edilməsi kimi ətraflı təlimatlara diqqətlə riayət edin. Dərmanların təsirini tam şəkildə görmək üçün təlimatlara uyğun hərəkət edin.

Qeyd edək ki, hər hansı bir ağrıkəsici dərmanı qəbul etməzdən əvvəl mütləq həkiminizlə məsləhətləşin. Bu, dərmanın sizin sağlamlıq vəziyyətinizə uyğun olub olmadığını müəyyən etməyə kömək edəcək.