Gənəgerçək bitkisi öz faydalı xüsusiyyətləri ilə dərman bitkiləri arasında geniş yayılıb.

Sağlamolun.az bu dəfə o bitkinin faydalarını araşdırıb:

Bitkinin yumşaldıcı (bağırsaq), yarasağaldızcı, bərpaedici və s. xüsusiyyətləri var. Təbabətdə bitkidən, daha doğrusu yağından, əsasən xroniki qəbizliklər, yanıqlar, yara və xoralar, saç tökülmələrinə qarşı, qadın xəstəliklərində və s. istifadə edilir. Tərkibində alkaloidlər (sian qrupundan olan zəhərli maddə risinin), azotsuz birləşmələr, qliseridlər (stearin, risinolein, olein, linol və dioksis- tearin), qliserin və s. birləşmələr var.

Keçmişdə gənəgərçək yağı doğuşun stimulyasiyası məqsədi ilə də istifadə olunurdu. Bağırsaqların fəaliyyətini gücləndirən gənəgərçək yağı həmçinin uşaqlığın yığılmasına da təkan verir.


İstifadə qaydası. Bitkidən istifadə edilməsi, əsasən ondan hazırlanan dərman preparatları şəklində həyata keçirilir ki, bunları da istənilən aptekdə əldə etmək olar. Buna misal olaraq, bir çoxlarına yaxşı tanış olan gənəgərçək yağını və Vişnevski məlhəmini göstərmək olar.

Kosmetoloji vasitə kimi bir çox məlhəmlər hazırlana bilir. Mum, gənəgərçək yağ, propolis və lavandanın efir yağ götürülərək hazırlanır.