Kron- Yunan mifologiyasında göy tanrısı, Uran və yer tanrıçası Geyanın oğlu, Titan soyundan olub, baş tanrıdır. Kronos/Xronos zamanı yaradan və zamanlarda səyahət edən tanrıdır. Zaman anlamına gələn Khronos və Kronoloji/Xronoloji sözü onun adından götürülüb. Rea ilə evlənən Kronosun Hestia, Demetra və Hera adlı üç qızı, Hades, Poseydon və Zeus adlı üç oğlu olur. Hades yeraltı dünyanı idarə edib və bir çox mənbələrdə Aid adlanır. Romalılarda isə zaman tanrısı Saturndur. O, yəni Kronos mövsümlərin nizam içində, əsla dəyişməz bir dövrdə bir- birini əvəz etməsini və zamanın önlənə bilməz, qarşısı alınmaz axımını idarə edir. Ayrıca qadın və kişinin təbiətə və əxlaqa uyğun bir şəkildə yaşaması üçün etibarlı qaydaları təyin edən tanrıdır. Əkinçilik və məhsul tanrısı olaraq, torpağın məhsuldarlığını və onun mükafatını təmsil edirdi. O, şəxsən çalışan tanrı və müdrik bir kral olaraq, insanlara zeytundan yağ çıxarmağı, üzümdən şərab hazırlamağı öyrətmişdi. Zamanı idarə edən Saturn eyni zamanda intizam və əxlaq qaydalarını təyin edən çox comərd bir tanrıydı. İnsanlara ehtiyaclarından da çoxunu vermiş, onların arasında sülhü təmin etmişdi. Romalılar ona olan hörmət və bağlılıqlarını göstərmək üçün il sonlarında iki həftə davam edən Saturnalia festival düzənləyirdilər. Saturn adının Latıncada toxum atmaq və ya çörək, yəni İngilis d.”Sow” mənasını verən Sator sözündən törədiyi düşünülməkdədir. Astroloji baxımdan və insanlara ədalətli olduğu üçün Saturnu "nə əkərsən; onu da biçərsən" şəklində izah etmək olar.
F.Rüstəmova-“Hor sivilizasiyası və onun günümüzdə izləri” kitabından.