•
1925-ci ildə Parisin "Femina" teatrında səhnəyə qoyulmuş "Arşın Mal Alan" operettasının afişası. Əsər, Üzeyr Hacıbəylinin qardaşı, Paris Sülh Konfransına Əlimərdan bəy Topçubaşovun başlığı ilə göndərilmiş nümayəndə heyətinin üzvü, Azərbaycan bolşeviklər tərəfindən işğal olunandan sonra bir daha geri dönə bilməyən Ceyhun Hacıbəyli tərəfindən səhnələşdirilmişdir.
Afişanın maraqlı məqamlarından biri də Arşın Mal Alanın "Hacıbəyli qardaşlarının" ( de M.M.Hadjibeyli Frères) əsəri kimi göstərilməsidir.
Ceyhun Hacıbəylinin əslində əsərin ərsəyə gəlməsində çox yaxından iştirak etdiyinə dair iddialar var. Onun güclü musiqi savadı olduğu məlumdur. Ceyhun Hacıbəylinin nəvəsi Kleman Hacıbəyli (Clément Hadjibeyli) də bu fikirdədir.
Onun fikrincə əgər Ceyhun Hacıbəyli əsərin yazılmasında Üzeyr Hacıbəyli ilə birgə iştirak etməsəydi tək başına onu Parisdə səhnələşdirə də bilməzdi. Hər halda o Bakını tərk edən zaman özü ilə notları götürməyəcəkdi. Çox güman ki əsəri əzbər tanıdığı üçün bunu bacarıb.



Prométhée - Prometey