Ana südü doğmuş qadının orqanizmində yaranan; yeni doğulanların bəslənməsi üçün vacib və əvəzsiz olan bir qidadır. Ümumdünya Səhiyyə Təşkilatının tövsiyə etdiyi kimi, ilk altı ay ərzində körpələrin yalnız ana südü ilə qidalanması lazımdır. Altı aydan sonra isə ana südünün körpəyə verilməsi; ən azı 2 yaşa qədər əlavə qidalarla yanaşı davam etdirilməlidir. Ağız südü adlanan İlk süd; IgA ilə zəngin olur. İmmunoglobulin mədə-bağırsaq traktını əhatə edir, körpənin həzm funksiyasının tam işləməyinə yardım edərək mekoniumun bağırsaqlardan tez atılmasını təmin edir. Ana südü körpənin böyüməsi üçün ən vacib qida hesab edilir. Ana südünün faydaları və körpəyə bəxş etdiyi rahatlığın dərəcəsi heç nə ilə müqayisəyə gəlməz. Ana südündə qalaktoliqosaxaridlər var ki, bunlar da prebiotik effektə malikdir, prebiotiklər isə normal mikrofloranın inkişafı üçün mühüm amildir. Eyni zamanda, ana südündə doymamış yağ turşuları var ki, bu yağ turşuları iltihab əleyhinə faktorun əmələ gəlməsində, baş beyinin formalaşmasında və inkişafında mühüm rol oynayır. Ana südündə kalsium-fosfor 2/1 nisbətindədir. Ona görə də ana südü ilə qidalanan uşaqlarda raxitlik xəstəliyinə tutulma riskləri daha da az olur. Ana südündə təbii anti-stafilokokk faktor, anti-bakterial təsirə malik lizosim və allergiyadan qoruyan laktoalbumin vardır ki, belə ideal tərkib ana südünü daha da əvəzsiz edir. Bəqərə surəsi- 233. Analar öz övladlarını tam iki il əmizdirsinlər. Ailə həkimi klinikası.