Ədilə Hüseyn-zadə (28.04.1916-2005 Bakı)
Bəstəkar. Azərbaycan Respublikasının əməkdar incəsənət xadimi 1940-cı illərdə Üzeyir Hacıbəylinin tələbəsi olmuşdur. Azərbaycan Dövlət Konservatoriyasını 1953-cü ildə bəstəkarlıq ixtisası üzrə bitirmiş ilk Azərbaycanlı qadındır.
Ədilə Hüseynzadə 1944-cü ildən Azərbaycan Bəstəkarlar İttifaqının üzvü idi.
Ə.Hüseynzadə Ü.Hacıbəyovun "Arşin mal alan" operettası əsasında çəkilmiş bədii filmdə (1945) Asya rolunu səsləndirmişdir. Ə.Hüseynzadə 1953-1988-ci illərdə Bülbül adına orta ixtisas musiqi məktəbində “bəstəkarlıq” fənnindən dərs demiş, gənc istedadların aşkarlanması işində əlindən gələni əsirgəməmişdir. SSRI xalq artisti Müslüm Maqomayev, Azərbaycanın xalq artistləri Firəngiz Əlizadə, Sevda İbrahimova və b. Ə.Hüseynzadənin tələbələri olmuşlar.
Onun yaradıcılığının əsasını, vokal əsərlərinin üstün oldüğü kamera musiqisi təşkil etsə də, Ədilə xanım bir sıra iri həcmli əsərlər də yaratmışdır.
Ə.Hüseynzadə yaradıcılığından uzaqlaşmadan uzun illər Bülbül adına orta ixtisas musiqi məktəbində qabiliyyətli uşaqlara kompozisiyanın əsaslarını tədris etmişdir.Bəstəkar, pedaqoq. Azərbaycanın əməkdar incəsənət xadimi (1982). Əsərləri: simfonik poema, simli kvartet, kantata, xor miniatürləri. Bəstəkarın yaradıcılığında romans janrı üstünlük təşkil edir. Nizaminin sözlərinə yazılmış “Vəslin həvəsi” romansı, R.Rzanın sözlərinə “Duyğular” vokal silsiləsi və s. əsərlərin müəllifidir.

a