Firuzə Vəkilova - XIX əsr Azərbaycan maatifpərvəri.
Firuzə xanım əslən Qazax qəzasının Salahlı kəndindən — məşhur Vəkilovlar nəslindən olan rus ordusunun polkovniki Abbasqulu bəy Vəkilovun (1844 — 1927) qızı idi. O, Tiflisdə Müqəddəs Nina Qızlar Gimnaziyasını bitirmiş, rus və fransız dillərinə mükəmməl yiyələnmişdi. Firuzə xanım teatrı, musiqini də çox sevmiş, rus və Avropa ədəbiyyatına dərindən bələd olmuşdu...
Məcidlə Firuzə Tiflisin azərbaycanlılar yaşayan Havlabar məhəlləsində yerbəyer oldular və şuşalı gənc gələcək həyatını bu şəhərlə bağladı. O, burda yaşayan həmyerli musiqiçiləri tapdı. Onlarla birlikdə toylara, el şənliklərinə getdi, az bir zamanda musiqisevərlər arasında tanındı, böyük nüfuz və hörmət qazandı. Görkəmli aktyor və xanəndə, respublikanın əməkdar artisti Cəlil bəy Bağdadbəyov öz xatirələrində yazır: "1906-1907-ci illərdə Məcid rəsmi xanəndəliyə getdi. Tiflis şəhərində yaşayırdı. Məcidin səsi zil səs idi. "Segahi Mirzə Hüseyn" və "Şüştəri yaxşı oxuyardı. Tiflisdə xalq arasında hörməti var idi. Məcid savadlı olduğundan qəzəlləri düzgün oxuyurdu. İrəvanda və xüsusilə, Naxçıvanda geniş xalq arasında hörməti vardı..." Firuzə Vəkilova Rəşid Behbudovun anasıdır.