Botulizm; ağır, ölümlə nəticələnə biləcək toksikoinfeksiyadır və Latın dilində olan botulus, yəni “kolbasa” sözündən götürülüb. Botulizm uzunsov beyini, onurğa beynini, ümumiyyətlə sinir sistemini, görmə mərkəzlərini zədələyərək oftalmopleksik və bulbar sindromlar yaradır. Yaz yay mövsümü gəldikdə meyvə tərəvəzin konservləşdirilməsi də başlamış olur. Amma bir şeyi unutmamalıyıq ki, düzgün üsulla və ya sanitar qaydalara düzgün riayiət edilmədən hazırlanmış konservlər botulizm xəstəliyinə yol aça bilər. Xəstəlikdən qorunmaq üçün aşağıdakılara diqqət etmək lazımdır-mütləq şüşə qablardan və təzə, işlənməmiş qapaqlardan istifadə etmək, işlətməzdən əvvəl və ya mağazadan alanda qapağın şişməsinə fikir vermək. Əgər qapaq şişibsə 100% botulizm (clostridium botulinum) ola bilər, qapaqdan sızma, xoşagəlməz qoxu və konserv üzərində kiflənmə varsa ümumiyətlə onun dadına belə baxmaq olmaz. Mağazadan konserv aldıqda belə istehsal tarixinə, son istifadə tarixinə, qapağın şişməsinə, sızmasına diqqət etməliyik. Botulizmin əlamətləri 12-72 saat ərzində bilinir.
Məlumatı hazırladı F. Rüstəmova