Ens.az xəbər verir ki, bu barədə paylaşımı Əkrəm Həsənov özünün Facebook profilində paylaşıb. Paylaşımı nəzərinizə çatdırırıq:

Bakı Şəhər İcra Hakimiyyəti bəyan edib ki, evlərin icbari sığorta edilməməsi üzrə cərimə mexanizmi yoxdur.

Dəfələrlə bildirmişəm ki, yerli icra hakimiyyəti orqanlarının kimisə cərimələmək niyyəti yoxdur. Suyu bulandıran vətəndaşlara bildirişlər göndərərək onları hədələyən sığorta şirkətləridir. Bu hədə nəticəsində xeyli vətəndaş sığorta şirkətləri ilə müqavilə bağlayıb evlərini sığortalayıb. Mülki Məcəllənin 339-cu maddəsinə əsasən hədə təsiri altında bağlanan əqd etibarsızdır. Odur ki, həmin vətəndaşlar bağlanılan müqavilələrin etibarsız hesab edilməsini, ödənilən pulun (50 manat) qaytarılmasını və hətta vurulan mənəvi zərərə görə kompensasiyanın ödənilməsini tələb edə bilərlər.