Sərhəddə həll olunmamış məsələlər həll olunmalıdır.

Publika.az xəbər verir ki, bunu Ermənistanın Baş naziri Nikol Paşinyan brifinqdə Azərbaycan xarici işlər nazirinin bəyanatını şərh edərkən bildirib.

Xatırladaq ki, bir müddət əvvəl Azərbaycan xarici işlər naziri Ceyhun Bayramov sərhəd delimitasiyası prosesinin bir hissəsi olaraq eksklav kəndlərinin məsələlərinin həll olunacağını bildirmişdi.

Anklavlar/eksklavlar məsələsinə gəldikdə isə... qalan bütün məsələləri həll etməliyik. Xatırlatmaq istəyirəm ki, biz də bununla maraqlanırıq, çünki Artsvaşen kəndi (Başkənd) bir eksklav kimi Azərbaycanın nəzarəti altındadır. Bu, Alma-Ata Bəyannaməsinin prinsiplərinə uyğun olaraq Ermənistanın suveren ərazisidir”, - deyə Paşinyan bildirib.

Onun sözlərinə görə, o, anklav və eksklavlar mövzusundan imtina edə bilməz - bu məsələ yuxarıda qeyd olunan bəyannamə və delimitasiya prosesi üçün əsas kimi istifadə edilən xəritələr əsasında həll edilməlidir.

Ermənistan Baş naziri qeyd edib ki, iki mümkün həll yolu var. Birinci halda, anklavlar və ya eksklavlar de-yure aid olduqları ölkənin daxilində qala bilərlər.

"Ya sərhəd boyunca, ya da müəyyən bir ərazidə mütənasib olaraq bu əraziləri danışıqlar yolu ilə mübadilə edirik və dəyişdiririk. Bu cür prosedurlar da mövcuddur. Məsələ Ermənistan qanunvericiliyi və Konstitusiyası çərçivəsində həll olunmalıdır", - deyə Paşinyan bildirib.

Ermənistanın Baş naziri Azərbaycan əskinaslarında və pasportlarında təsvir edilən xəritədə Başkəndin anklav kimi göstərilməsinə diqqət çəkib. Paşinyan bundan bir ay yarım əvvəl xəbər tutduğunu bildirib.

“Bu, çox vacib bir nüansdır. Düşünürəm ki, biz də güzgü yanaşması ilə Alma-Ata Bəyannaməsinə uyğun hərəkət etməliyik. Bu, təkcə paraflanmamış, həm də vətəndaşlar tərəfindən seçkilər yolu ilə təsdiqlənmiş razılaşmadan irəli gəlir”, - deyə Ermənistan hökumətinin başçısı bildirib.

Onun sözlərinə görə, "kim haranı ələ keçiribsə, o da onundur" məntiqi ilə deyil, sülh müqaviləsi məntiqi ilə rəhbər tutulmaq vacibdir.