ABŞ Prezidenti Donald Tramp Vaşinqtonla Tehran arasında sazişin iyunun 14-də imzalanacağını açıqlayıb.

Publika.az xəbər verir, Ağ Ev rəhbəri bu barədə "Truth Social" sosial şəbəkəsində paylaşım edib.

O, sənədin imzalanmasından dərhal sonra Hörmüz boğazının hamı üçün açılacağını bildirib. ABŞ Prezidentinin sözlərinə görə, İran nə yolla olursa-olsun nüvə silahı əldə edə bilməyəcək.

Tramp, həmçinin Vaşinqtonun uyğun vaxtda İslam Respublikasının nüvə materiallarını müsadirə edib məhv etmək niyyətində olduğunu vurğulayıb.

Xatırladaq ki, iyunun 13-də Pakistan Xarici İşlər Nazirliyi elektron sazişin imzalanma mərasiminin bazar günü, iyunun 14-də baş tutacağını elan etmişdi. Bununla belə, İran XİN-in nümayəndəsi İsmayıl Baqai həmin tarixdə imzalama prosesinin baş tutmayacağını, lakin yaxın günlərdə bunun mümkünlüyünün yüksək olduğunu bildirib.