Səudiyyə Ərəbistanı regionda vəziyyəti sabitləşdirmək məqsədilə Yaxın Şərq ölkələri ilə İran arasında qarşılıqlı hücum etməmə paktının bağlanması imkanını nəzərdən keçirir.

Globalinfo.az xəbər verir ki, bu barədə “Financial Times” diplomatik mənbələrə istinadən məlumat yayıb.

“Yaxın Şərq dövlətləri ilə İran arasında hücum etməmə paktı ideyası Səudiyyə Ərəbistanı tərəfindən müzakirə olunub. Bu təşəbbüs ABŞ və İsrailin İrana qarşı müharibəsindən sonra regionda gərginliyin azaldılması ilə bağlı müttəfiqlərlə aparılan danışıqlar çərçivəsində gündəmə gətirilib”, – nəşr yazıb.

Qərbli diplomatların sözlərinə görə, Ər-Riyad Soyuq müharibə dövründə gərginliyi azaltmaq məqsədilə saziş imzalanmasını nəzərdən keçirir.

Qəzet yazır ki, bir çox Avropa ölkəsi bu təşəbbüsü dəstəkləyib və Fars körfəzi ölkələrini də onu müdafiə etməyə çağırıb. Sözügedən pakt Səudiyyə Ərəbistanının hazırda qiymətləndirdiyi mümkün təşəbbüslərdən biridir.