Fransa Hərbi Hava Qüvvələri Rusiya sərhədindən 130 kilometr məsafədə yerləşən Litva aviabazasına "Rafale" qırıcılarını yerləşdirib.

Publika.az xəbər verir ki, bu barədə "Military Watch Magazine" nəşri məlumat yayıb.

Bildirilir ki, söhbət Litvanın Şyaulyay aviabazasından gedir. Parisin planına əsasən, bu qırıcılar NATO-nun Baltikyanı ölkələrində hava polisi missiyasında aparıcı rol oynayacaq.

Hərbi ekspertlər xüsusi olaraq qeyd edirlər ki, "Rafale" qırıcıları uzaq məsafəli hədəfləri vurmaq qabiliyyətinə malik raketlərlə təchiz olunub. Bu addım regionda hərbi aktivliyin artması və NATO-nun şərq cinahının gücləndirilməsi strategiyasının bir hissəsi kimi qiymətləndirilir.

Xatırladaq ki, bundan əvvəl Fransada Rusiya ilə mümkün müharibə ehtimalı barədə rəsmi səviyyədə bəyanatlar səsləndirilmişdi.