Bəhreyn və Birləşmiş Ərəb Əmirlikləri Hörmüz boğazını açmaq, həmçinin humanitar və iqtisadi böhranın qarşısını almaq üçün güc tətbiqinə icazə verən BMT Təhlükəsizlik Şurasının qətnaməsini tələb edib.

Publika.az xəbər verir ki, bu barədə “The Economic Times” məlumat yayıb.

Bildirilib ki, Bəhreynin xarici işlər naziri Əbdüllətif bin Rəşid Əlzəyani bunun artıq regional məsələ deyil, qlobal sabitliyə birbaşa təhdid olduğunu vurğulayıb.

Həmçinin BƏƏ-nin BMT-dəki daimi nümayəndəliyi “X" hesabında paylaşım edərək BMT-nin Təhlükəsizlik Şurasını dərhal tədbir görməyə çağırıb:

“Bu, artıq sabitliyə, ərzaq və enerji təhlükəsizliyinə və beynəlxalq hüquqa birbaşa təhdiddir. Hər hansı tədbir görülməməsi dünyanı daha geniş bir böhrana yaxınlaşdırır və Qlobal Cənub ölkələri ən ağır nəticələrlə üzləşir”.