Rusiya danışıqlar çərçivəsində Kiyevdən iki ay ərzində Donetsk vilayəti ərazisindən qoşunlarını çıxarmağı tələb edir. Əks halda şərtlərin daha da sərtləşdiriləcəyi ilə hədələyir.

Globalinfo.az xəbər verir ki, bunu Ukrayna Prezidenti Volodimir Zelenski deyib.

Onun sözlərinə görə, Moskva ABŞ tərəfinə yaxın iki ay ərzində Ukraynanın şərqini, o cümlədən Donbas bölgəsini nəzarətə götürəcəyini bildirib. Bu səbəbdən Ukraynaya qoşunlarını geri çəkmək üçün vaxt verildiyi iddia olunur. Prezident isə hesab edir ki, Rusiya bu məqsədə qısa müddətdə nail ola bilməyəcəyini anladığı üçün təzyiq taktikasından istifadə edir.

Ukrayna lideri həmçinin qeyd edib ki, hazırda Rusiya daha çox ABŞ-a təsir göstərməyə çalışır. Onun fikrincə, ABŞ-da yaxınlaşan aralıq seçkilər fonunda Moskva siyasi təzyiq imkanlarını artırmağa cəhd edir.

Zelenski əlavə edib ki, Ukraynanın Donbasdan çıxmasının müharibəni dayandıracağı ilə bağlı fikirlər inandırıcı deyil. O vurğulayıb ki, Kiyev Donetsk və Luqansk vilayəti də daxil olmaqla, işğal etdiyi digər ərazilərdən imtina etməyəcək.