Putinin Ukrayna ilə bağlı üç tələbi var.

Globalinfo.az xəbər verir ki, bu barədə “New York Times” siyasi analitiklərə və Kremlə yaxın şəxslərə istinadən yazıb.

Nəşr bildirir ki, Putin Ukraynanı Rusiyanın nəzarəti altına qaytarmağa çalışır. Bu da Rusiya lideri üçün ərazi məsələlərindən daha önəmlidir.

“Putin üçün əsl qələbə Krımdan əlavə Ukraynanın daha dörd vilayətinin ələ keçirilməsi deyil. Onun öçün ən önəmlisi bütün Ukraynanın Moskvanın siyasi təsiri altına qaytarılmasıdır. Bu, Ukraynanın NATO-ya daxil olmasına və Qərblə hərbi əməkdaşlığa qadağa qoyulması deməkdir. Putin Kiyevdə rusiyayönlü hökumətin qurulmasına, Ukraynanın müdafiə potensialının məhdudlaşdırılmasına çalışır”.

Ehtimallardan biri də odur ki, Putin Qərbin geosiyasi güzəştləri müqabilində ərazi məsələsində çevik reaksiya sərgiləməyə hazır olduğunu ifadə edib. Amma bunun üçün Rusiya prezidenti ABŞ lideri ilə şəxsən görüşməli idi.

Karnegi Rusiya-Avrasiya Mərkəzinin baş elmi işçisi Tatyana Stanovaya hesab edir ki, Moskva həqiqətən də daha qlobal məqsədə çatmaq üçün qarşıdakı danışıqlarda müəyyən əraziləri mübadilə etməyə hazır olacaq:

“Putin üçün ən vacibi NATO-dur. O çalışır ki, Ukraynanın NATO-da olmasının qarşısını alsın. Putin istəyir ki, Ukrayna anti-Rusiya layihəsinə çevrilməkdən xilas olsun, yəni Moskvanın təsir dairəsinə qayıtsın. Kreml rəhbəri üçün razi çox ikinci dərəcəlidir”, – Stanovaya vurğulayıb.