İsrail hakimiyyəti ABŞ prezidenti Donald Trampın təşəbbüsü ilə ABŞ və İran arasında yaxın vaxtlarda atəşkəsin əldə olunması perspektivindən narahatdır.

Publika.az xəbər verir ki, bu barədə “The Jerusalem Post” qəzeti İsraildəki yüksək rütbəli mənbələrə istinadən yazıb.

Mənbələrdən biri nəşrə açıqlamasında bildirib ki, hazırda tərəflərin mövqeləri razılaşma ehtimalını minimuma endirir:

“Hazırda Tehran və Vaşinqtonun mövqeləri sazişin əldə olunma ehtimalını son dərəcə aşağı, hətta sıfır edir. Buna baxmayaraq, Tramp bizi təəccübləndirə bilər”.

Qeyd olunur ki, bundan əvvəl İran Trampın sülh təkliflərini rədd edib və ABŞ-a beş əks şərt irəli sürüb. İranın yüksək rütbəli rəsmisi vurğulayıb ki, Tehran döyüş əməliyyatlarını yalnız özü istədikdə və tələbləri yerinə yetirildiyi halda dayandıracaq.