İran danışıqlarda ABŞ-a müvəqqəti nüvə sazişi təklif edə bilər. Tehran bununla Vaşinqtonun gündəmə gətirdiyi hərbi eskalasiyadan qaçmağa çalışacaq.

Publika.az xəbər verir ki, bu barədə “Axios” nəşri yazıb.

Nəşr qeyd edir ki, İran ABŞ prezidenti Donald Trampın nüvə anlaşması üçün verdiyi iki ay müddətin az olduğunu hesab edir və daha çox vaxt istəyir.

Beynəlxalq Böhran Qrupunun İran layihəsinin direktoru Əli Vaez hesab edir ki, Tehran Trampın nəzərdə tutduğu iki ay müddətində davamlı razılaşmanın əldə olunmayacağını görür, buna görə də müvəqqəti razılaşma ilə yekun razılaşma üçün “yol xəritəsi” əldə etmək niyyətindədir.