Ukraynanın yüksək səviyyəli nümayəndə heyəti ABŞ-ın Florida ştatının Mayami şəhərinə gəlib.

Globalinfo.az xəbər verir ki, bu barədə “Ukrinform” məlumat yayıb.

“Ukrayna tərəfini danışıqlarda Milli Təhlükəsizlik və Müdafiə Şurasının katibi Rüstəm Ömərov, Prezident Ofisinin rəhbəri Kirill Budanov, Prezident Ofisi rəhbərinin birinci müavini Sergiy Kislitsa və “Xalqın xidmətçisi” parlament fraksiyasının rəhbəri David Araxamiya təmsil edir”, – deyə bildirilib.

Məlumata görə, görüşdə Vaşinqton tərəfindən Ağ Evin xüsusi elçisi Stiv Uitkoff və Prezident Donald Trampın kürəkəni Cared Kuşner iştirak edəcəklər.

Bildirilir ki, Kiyev Vaşinqtonla təhlükəsizlik sazişlərini, xüsusilə hava hücumundan müdafiə (HHM) sistemlərinin tədarükü və Rusiya ilə müharibənin dayandırılması yollarını müzakirə etmək niyyətindədir.