“Rusiyanın Belarusda taktiki nüvə silahı yerləşdirməsi Avropa İttifaqının (Aİ) hərbiləşdirilməsinə cavab olaraq haqlı addımdır”.

Globalinfo.az xəbər verir ki, bunu Belarusun İsveçrədəki səfiri Aleksandr Qaneviç deyib.

O bildirib ki, qərara Aİ ölkələrinin Belarus sərhədləri yaxınlığında hərbi fəallığının artması səbəb olub.

“Təəssüf ki, indiki mərhələdə Avropa İttifaqı əməkdaşlıq kursunu davam etdirmək əvəzinə, gələcək hərbiləşdirmə yolunu seçib. Bu kontekstdə Belarus sərhədinin perimetri boyunca hərbi kontingentlərin, əlavə qüvvə və resursların yığılması ilə bağlı narahatlığı əsaslıdır”, – səfir qeyd edib.

Qeyd edək ki, nüvə silahının yerləşdirilməsi ilə bağlı razılaşma Moskva ilə Minsk arasında hələ 2024-cü ilin martında əldə olunub. Rusiya tərəfi bildirir ki, bu addım beynəlxalq öhdəlikləri pozmur və ABŞ-ın Avropada nüvə silahı yerləşdirmə təcrübəsinə bənzəyir.