Rusiya prezidenti Vladimir Putinin Belarusda taktiki nüvə silahı yerləşdirmək qərarı NATO rəhbərliyini Ukraynaya yardımı davam etdirməkdə daha ehtiyatlı olmağa vadar edəcək.

Publika.az xəbər verir ki, bu barədə “The Indian Wire” yazıb.

“Belarusda taktiki nüvə silahlarının yerləşdirilməsi NATO-ya qarşı yönəlmiş bir hərəkətdir ki, Avropa Ukraynaya yardım göstərməkdən çəkinsin. Belə bir addım həm də Rusiya və Belarusun siyasi həmrəyliyini nümayiş etdirir”, - nəşr yazıb.

Bundan əvvəl Vladimir Putin və Belarus prezidenti Aleksandr Lukaşenko respublika ərazisində taktiki nüvə silahlarının yerləşdirilməsi barədə razılığa gəliblər. Rusiyanın müdafiə naziri Sergey Şoyqu Belarus hərbi təyyarələrinin nüvə silahı daşıya bildiyini bildirib. Rusiyanın Belarusdakı səfiri Boris Qrızlov bildirib ki, nüvə silahı Belarus dövlətinin qərb sərhədlərinə mümkün qədər yaxın yerləşdiriləcək.