“Qonşularımızın yerli mediada təhqir və ya aşağılanmasına yol vermək düzgün deyil”.

Globalinfo.az xəbər verir ki, bunu İran Prezidenti Məsud Pezeşkian deyib.

“Bu ölkələrin prezidentləri və rəsmiləri İranla əməkdaşlıq, əlaqə qurmaq, gərginliyi azaltmaq və regionda müharibənin qarşısını almaq üçün dialoq və danışıqlar yolu ilə problemlərin həlli istiqamətində təşəbbüslər göstəriblər. Onlara münasibətdə həssaslıq göstərmək lazımdır”, – Pezeşkian bildirib.

Qeyd edək ki, son illərdə İran mətbuatı xüsusilə Azərbaycanı əsassız şəkildə ittiham edir. Rəsmi Bakı öz ərazisindən İrana qarşı istifadəyə heç vaxt imkan verməyəcəyini dəfələrlə bəyan və sübut etsə də, Tehranda bəzi dairələr qaralama kampaniyası aparır.