İran prezidenti Məsud Pezeşkian ABŞ prezidenti Donald Trampın İranı danışıqlara çağırması ilə bağlı bəyanatına reaksiya verib.

Publika.az xəbər verir ki, Tehranda keçirilən tədbirdə çıxış edən Pezeşkian Trampın təzyiq və təhdidlərini dəyərləndirib.

"Məni hədələdiyiniz üçün sizinlə danışıqlar aparmayacağam. Nə istəyirsənsə, onu da edin", - deyə Pezeşkian bildirib.

O, Ağ Evdə Trampın Ukrayna prezidenti Vladimir Zelenskiyə qarşı davranışını da tənqid edib: “İnsan Trampın Zelenskiyə etdiklərinə görə həqiqətən utanır”.

Qeyd edək ki, martın 7-də Tramp İran lideri Xamneyiyə məktub göndərdiyini açıqlayıb. “Mən onlara məktub yazaraq danışıqlara çağırdım. Bildirdim ki, hərbi yola əl atsaq bu, dəhşətli bir şey olacaq”, - deyə Tramp bildirib.