Avropa İttifaqı (Aİ) Ermənistan hakimiyyətini Rusiyaya qarşı da daxil olmaqla, destruktiv hərəkətlər üçün aldıqları 15 milyon avro tranşı işlətməyə məcbur edəcək.

Ailehekimiklinikasi.az lenta.ruya istinadla xəbər verir ki, bu sözləri Rusiyanın xarici işlər naziri Sergey Lavrov deyib.

“Mən şübhə etmirəm ki, Brüssel bürokratiyası bizim erməni dostlarımızı bu 15 milyon tranşın hər qəpiyini sərf etməyə məcbur edəcək”, - diplomat bildirib.

Sergey Lavrov Aİ-nin, o cümlədən Xarici İşlər və Təhlükəsizlik Siyasəti üzrə Ali Nümayəndə Kaya Kallasın Ermənistan hakimiyyətini anti-Rusiya xarici siyasət kursuna sövq etmək cəhdlərini şərh edib və bildirib ki, onlar iyunda ölkədə keçiriləcək parlament seçkiləri ərəfəsində Rusiyaya qarşı dağıdıcı addımlar atmağı təklif edib.

O, həmçinin respublikada “Moldova ssenarisi”nin təkrarlanacağını bildirib və hakimiyyətin səsvermənin nəticələrini saxtalaşdıracağını proqnozlaşdırıb.