Rusiyanın Perm diyarında marşrut üzrə hərəkət edən avtobus yük maşını ilə toqquşub.

Axar.az xəbər verir ki, bu barədə TASS-a bölgədəki təcili yardım xidmətləri məlumat verib.

Agentliyin mənbəyi bildirib ki, R-243 Kostroma-Şarya-Kirov-Perm yolunun 55-ci kilometrliyində yük maşını sərnişin mikroavtobusu toqquşub. Qəzada altı nəfər ölüb, 15 nəfər yaralanıb.

Regional İstintaq Komitəsinin mətbuat xidməti ölənlər arasında yetkinlik yaşına çatmayan uşağın da olduğunu bildirib.

İlkin məlumata görə, qəzaya avtobusun qarşı zolağa çıxması səbəb olub.

***

Perm diyarında marşrut üzrə hərəkət edən avtobusun yük maşını ilə toqquşması nəticəsində ölənlərin sayı 7-yə yüksəlib.

Bu barədə regional İstintaq Komitəsi məlumat yayıb.