Ötən gün ABŞ-da ən azı 893 uçuş ləğv edilib.

Axar.az xəbər verir ki, Çikaqo, Denver və Atlanta kimi sıx mərkəzlər bu siyahıda ilk yerlərdədir.

“FlightAware”in məlumatına görə, daha 1020 uçuş təxirə salınıb. Lakin şatdaunun ləğvi ehtimalı artdığı üçün gecikmələr həftə ərzində tədricən azalıb.

Qeyd edək ki, Federal Aviasiya Administrasiyasının ABŞ-ın 40 əsas hava limanında uçuşları məhdudlaşdırmaqla bağlı qərarından sonra noyabrın 7-dən bu yana ABŞ-da təxminən 10 mindən çox uçuş ləğv edilib.