İsrail ordusu İranla 12 gündən çox davam edə biləcək mümkün müharibə ssenarisinə hazırlaşır.

Globalinfo.az xəbər verir ki, bu barədə “Azad İran” Teleqram kanalı yazıb.

Bildirilib ki, İsrailin təhlükəsizlik üzrə yüksəkrütbəli rəsmilərdən birinin sözlərinə görə, yeni münaqişə baş versə, İsrail əvvəlkindən daha aqressiv hərbi əməliyyatlar həyata keçirəcək:

“12 günlük müharibədə İsrail bütün hərbi imkanlarından istifadə etməyib, lakin gələcək qarşıdurmada İrana daha sərt cavab veriləcək”.

İsrail rəsmisi bildirib ki, Tramp administrasiyasının İran rejimini devirmək planlarının tam reallaşdırılması çox vacibdir.

O, “The New York Times” qəzetinin məlumatına münasibət bildirərək qeyd edib ki, Təl-Əvivin hesablamalarına görə, Tehran öz hava müdafiə imkanlarını yenidən qurmaq istiqamətində ciddi addımlar atır.