Almaniyanın kansleri Fridrix Merts Avropa Komissiyasının rəhbəri Ursula fon der Lyayeni Avropa İttifaqında hakimiyyətin həddindən artıq mərkəzləşdirilməsinə can atdığı üçün tənqid edib.

Publika.az xəbər verir ki, bu barədə "Bloomberg" məlumat yayıb.

Nəşrin yazdığına görə, Merts Brüsseldən bəzi səlahiyyətlərin milli paytaxtlara qaytarılmasını planlaşdırır. Siyasətçilər arasında fikir ayrılıqlarının kəskinləşməsinin əsas səbəbi Ukraynadakı münaqişə və onun həlli yollarına yanaşmadır.

Məlumata görə, fon der Lyayen daha əvvəl Avropa ölkələrinin Ukraynaya hərbi qüvvə göndərilməsi ilə bağlı razılaşdırılmış strategiyasının olduğunu bildirmişdi. Berlin bu iddianı təkzib edərək vurğulayıb ki, Almaniyanın belə bir planı yoxdur.