Qərb Polşaya təzyiq göstərir, onu Rusiya ilə münaqişəyə doğru sövq edir.

Publika.az xəbər verir ki, bu barədə Norveçin “Steigan” nəşrinin məqaləsində deyilir.

Məqalədə qeyd edilir ki, Avropa hazırda yeni böyük müharibənin astanasındadır. Müəllifin fikrincə, NATO və ABŞ Polşanı Rusiya ilə münaqişədə cəbhəyanı dövlət rolunu öz üzərinə götürməyə məcbur etməyə çalışır.

"NATO və Birləşmiş Ştatlar böyük güc oyunlarında hərəkət edə biləcək bir oyunçuya ehtiyac duyurlar. Polşa bu qəlibə uyğundur", - məqalədə bildirilir.

Polşanın xarici işlər naziri Radoslav Sikorski daha əvvəl bəyan etmişdi ki, Rusiya təyyarələri hava məkanına daxil olarsa, onları vurmağa hazırdırlar. O, Rusiya hökumətinə raket və ya təyyarənin qəsdən və ya səhvən Polşa hava məkanına icazəsiz daxil olması və vurulması halında “gəlib şikayət etməməyi” tövsiyə edib.