“Tramp yolu” layihəsini Cənubi Qafqaz regionunda yeni təhlükəsizlik arxitekturasına yönəlmiş nailiyyət hesab etmək olar.

Publika.az xəbər verir ki, bunu İrəvanda keçirilən "Ermənistan - EAEU. Birlikdə İrəli" forumunda iqtisad elmləri doktoru, "Alternativ" Araşdırmalar Mərkəzinin rəhbəri Tatul Manaseryan deyib.

Onun sözlərinə görə, Ermənistan tərəfi bunun üzərində daha intensiv işləyə bilər.

"İmzalanmadan 2-3 gün əvvəl Azərbaycan tərəfi Amerika tərəfi ilə iqtisadi əməkdaşlığın müxtəlif istiqamətləri üzrə sazişlər imzalamağa nail olub. Ermənistan NATO-da mühüm, hətta həlledici rol oynayan ölkə qarşısında dənizə yol açmaq məsələsini qaldıra bilərdi", - deyə Manaseryan Ermənistan və Türkiyənin müvafiq beynəlxalq müqavilələrin tərəfləri olduğunu xatırladıb.

Yolun açılmasının Ermənistana gətirəcəyi faydalara gəlincə, iqtisadçı qeyd edib ki, dövlət qurumları konkret hesablamalar aparıb, ictimaiyyətə təqdim etməlidir.

“Mən bunu hələ görmürəm”, - Tatul Manaseryan əlavə edib.