"2025-ci ilin avqustu Ermənistan üçün yeni dinc və firavan həyatın başlanğıcı oldu".

Publika.az xəbər verir ki, bunu Ermənistanın baş naziri Nikol Paşinyan öz "Telegram" kanalında yazıb.

"Cənubi Qafqaz regionunda sülh bərqərar olunub və o, bizim gündəlik qayğımız olmalı, həmçinin institusional əsas əldə etməlidir. 2025-ci ilin avqustu Ermənistan Respublikası üçün dinc və firavan həyatın başlanğıc nöqtəsi oldu. Bu hadisə münasibətilə hamını təbrik edirəm", - deyə Paşinyan qeyd edib.

O həmçinin Ermənistanın 1990-cı ildə qəbul edilmiş müstəqillik bəyannaməsinin həmin dövrdə ölkədə fəaliyyət göstərən siyasi və intellektual elitanın kollektiv əhvalını ifadə etdiyini bildirib:

"Bu, bəyannamənin əsas ideoloji müddəalarının ziddiyyətli olması Sovet İttifaqının 1950-ci illərdən tədricən, lakin ardıcıl olaraq bizə aşıladığı kollektiv vətənpərvərlik modelini ifadə etdiyi üçün baş verdi".

Paşinyan əlavə edib ki, bu şəkildə formalaşan sosial psixologiya müstəqil Ermənistan dövlətinin mövcudluğunu mümkünsüz etmək məqsədini güdüb. O, Ermənistan və Azərbaycan arasında sülhün, habelə Türkiyə ilə dialoqun mümkünlüyü reallığında hazırkı hökumət strategiyasının ən düzgün yol olduğunu vurğulayıb: “Biz Qarabağ hərəkatını davam etdirməməliyik, çünki bu, Ermənistan Respublikasının müstəqilliyinin ləğvi deməkdir”.