İsrail Müdafiə Qüvvələri Qəzza şəhərindəki əməliyyata hazırlıq məqsədilə 60 min ehtiyat hərbçinin çağırıb və 20 min ehtiyatda olan hərbçinin xidmət müddətini uzadıb.

Teleqraf xəbər verir ki, bu barədə İsrail ordusunun mətbuat xidməti məlumat yayıb.

“Ehtiyatdan çağırış əməliyyatın növbəti mərhələsi olan “Gideonun Arabaları”na hazırlıq çərçivəsində təsdiq edilib. Bu gün səhər saatlarında ehtiyata təxminən 60 min çağırış göndərilib”, - məlumatda deyilir.

Xatırladaq ki, bundan əvvəl İsrail müdafiə naziri İsrael Kats Qəzza şəhərini ələ keçirmək planını təsdiqlədiyini açıqlayıb. Kats gözlənilən əməliyyatın adının “Gideonun Arabaları - 2” olduğunu bildirib.