Tehran sanksiyaların ləğvi müqabilində nüvə proqramı üzrə bəzi məhdudiyyətləri qəbul etməyə hazırdır.

Globalinfo.az-ın məlumatına görə, bu barədə İranın xarici işlər nazirinin müavini Məcid Təxtrəvançi danışıb. Onun sözlərinə görə, ABŞ tərəfindən tətbiq edilən iqtisadi sanksiyalar aradan qaldırılarsa, İran uranın zənginləşdirilməsi imkanları və mövcud məhdudiyyətlərdə müəyyən yumşalmaya gedə bilər.

Təxtrəvançi vurğulayıb ki, bu addım qarşılıqlı etimadın bərpasına və regionda gərginliyin azaldılmasına töhfə verə bilər.

Xatırladaq ki, İranın xarici işlər naziri Abbas Əraqçı bir müddət əvvəl “Financial Times” qəzetinə açıqlamasında uranın zənginləşdirilməsi üzrə beynəlxalq konsorsium yaradılması planından bəhs etmişdi. O zaman nazir qeyd etmişdi ki, bu məsələnin çoxsaylı texniki və hüquqi məqamları mövcuddur, lakin Tehran lazım gələrsə, bütün bu detallar üzrə danışıqlara başlamağa hazırdır.