Qəzza zolağına hücum planlarının və bütün bölgənin işğalının müzakirə edildiyi görüşdə İsrail Baş Qərargah rəisi Eyal Zamir və baş nazir Benyamin Netanyahu arasında mübahisə yaşanıb.

Publika.az xəbər verir ki, bu barədə İsrail dövlət televiziyası KAN məlumat yayıb.

Bildirilib ki, Eyzal Zamir Netanyahuya bütün Qəzza zolağının işğalı planı ilə ölkəni tələyə saldığını deyib. Həmçinin o, Netanyahunun ona göndərdiyi "Bütün Qəzza zolağının işğalı planı sənə uyğun gəlmirsə, istefaya get” mesajına da sərt reaksiya göstərib.

Netanyahu isə Zamirə "Mətbuat qarşısında istefa ilə hədələmə. Planınızı qəbul etmədiyimiz səbəbilə, davamlı istefa təhdidlərinizi qəbul etmirəm” deyib.

İsrail mediası Netanyahunun hələ də Qəzza zolağının tam işğalının tərəfdarı olduğunu, Zamirin isə bu plana qarşı çıxdığını bildirib.