İranın dini lideri Əli Xameneinin müşavri Əli Əkbər Vilayəti növbəti dəfə Zəngəzur dəhlizinin əleyhinə açıqlama verib.
Bakupost.az xəbər verir ki, bu barədə mühacir jurnalist Elbəyi Həsənli qeyd edib.
“Bir daha qeyd etmək istəyirəm ki, Zəngəzur dəhlizi ilə bağlı əvvəlki uğursuz təcrübəni təkrarlamaq istəyən regionda və ya onun hüdudlarından kənardakı istənilən hökumət İranın sərt cavabı ilə üzləşəcək”, - Vilayəti qeyd edib.
E.Həsənli xatırladıb ki, 1981-1997-ci illərdə İranın xarici işlər naziri olmuş Vilayəti az qala hər gün Zəngəzura dəhlizinə qarşı danışır:
“Ancaq ona məhəl qoyan yoxdur. Hazırda rəsmən 38 dövlət vəzifəsi tutan bu məmur özünü öldürürsə də, məsələ bitib, Zəngəzur dəhlizi bu gün-sabah açılır.
Yada salım ki, ötən ay Şeyx Səfiəddin Ərdəbilinin anım mərasimində çıxış edən müşavir azərbaycanlıları İranın keşikçisi adlandırmışdı:
“Azərbaycanlılar Osmanlı və Rusiya işğalçıları qarşısında müqavimət göstərərdilər, Azərbaycan Demokrat Firqəsi məsələsində də azərbaycanlılar müstəmləkəçilərin və onların əlaltılarının planlarını pozaraq İranın parçalanmasının qarşısını aldılar”.
Bu dəfə necə, azərbaycanlılar İranın parçalanmasının qarşısını alarmı? Məncə, cavab birmənalıdır...”