Ukrayna Silahlı Qüvvələrinin veteranı Dmitri Kozyatinski Ukrayna Prezidentinin ofisi qarşısında etiraz aksiyası keçirməyə çağırıb.

Globalinfo.az xəbər verir ki, o, bu çağırışı “X” sosial şəbəkəsindəki paylaşımında edib. Kozyatinski etirazın səbəbi kimi Ukrayna Milli Antikorrupsiya Bürosu (NABU) və Xüsusi Antikorrupsiya Prokurorluğunun (SAP) səlahiyyətlərinin azaldılmasına dair yeni qanunu göstərib.

“Dostlar, gəlin etiraz aksiyasına toplaşaq və son on ildə tikdiyimizi müdafiə edək. Axşam saat 20:00-da İvan Franko Teatrının yanındakı meydanda toplaşaq. Bu, Prezident Aparatının yaxınlığındakı ən əlçatan yerdir”, – deyə veteran yazıb.

Qeyd edək ki, bu çağırışdan sonra Kiyev ətrafına mülki vətəndaşların toplaşdığı müşahidə olunur.

Xatırladaq ki, iyulun 22-də Ali Rada NABU və SAP-ın səlahiyyətlərini azaldan qanunu təsdiqləyib. Qanun ictimaiyyət arasında ciddi narazılığa səbəb olub. Sonradan bildirilib ki, agentlik əməkdaşlarına qarşı mümkün hücum təhlükəsi səbəbilə Kiyevin hökumət məhəlləsində, xüsusilə Bankova küçəsində mühafizə tədbirləri gücləndirilib. Mənbələrin məlumatına görə, təhlükəsizlik zonasına icazəsiz daxil olan şəxslər terrorçu kimi qiymətləndirilə bilər.