Bir müddət öncə Türkiyənin millətçi İYİ Partiyasının sədri, deputat Musavat Dərvişoğlu Ermənistanla sərhəddə yerləşən “Əlican” keçid məntəqəsinin adının “Talat Paşa” olaraq dəyişdirilməsini təklif edib.

Globalinfo.az xəbər verir ki, bu məsələ Ermənistanda böyük narazılıqla qarşılanıb və müzakirələrə səbəb olub.

“Sputnik Ermənistan” Ermənistan Xarici İşlər Nazirliyinə sorğu göndərərək bu məsələyə rəsmi münasibətin necə olacağını maraqlanıb.

“Ermənistan-Türkiyə münasibətlərinin normallaşdırılması prosesində Ermənistan Respublikası Türkiyə Respublikası hökumətinin rəsmi mövqelərini və qərarlarını nəzərə alır”, – nazirliyin cavabında bildirilir.

XİN-in bu məsələyə dəqiq şərh verməkdən çəkinməsi diqqət çəkib.

Xatırladaq ki, İYİ Partiyasının Türkiyə parlamentə təqdim etdiyini layihəni 28 partiya üzvü imzalayıb.

Qeyd edək ki, Talat Paşa ermənilərin Osmanlıdan sürgünü prosesinin əsas simalarından sayılır. Ermənilər onu “soyqırımı” iddialarında əsas “günahkar” kimi göstərirlər. Talat Paşa 1921-ci ildə erməni Solomon Tehliryan tərəfindən qətlə yetirilib.