İsrailin hücumundan sonra Rusiya İrana hava hücumundan müdafiə sistemlərini bərpa etməyə yardım göstərib.

Globalinfo.az xəbər verir ki, bunu Mərkəzi Kəşfiyyat İdarəsinin keçmiş analitiki Larri Conson deyib.

Onun sözlərinə görə, ABŞ İranın hava hücumundan müdafiə sisteminin məğlub olacağına ümid bəsləyirdi. Ancaq Moskvanın Tehrana verdiyi texnologiyalar və mütəxəssislər bunun qarşısını almağa kömək edib.

“Ruslar İrana kömək etdi və onun HHM sistemləri tamamilə sıradan çıxmadı. Beləcə, ilk 12 saat ərzində İran İsrailə ballistik raketlərlə cavab zərbəsi endirdi. Bu, real hekayədir. Ruslar bunu necə bacarıb?”, -ekspert vurğulayıb.

Xatırladaq ki, iyunun 13-də İsrail İrana qarşı genişmiqyaslı əməliyyata başlayıb. Zərbələr nüvə obyektləri, hərbi bazalar və İslam Respublikası Silahlı Qüvvələrinin komanda heyətini hədəfə alıb. Tehran buna cavab olaraq Təl-Əviv və digər şəhərlərə ballistik raket zərbələri endirib.