Birləşmiş Ştatlar Yaxın Şərqdəki münaqişəyə İsrailin uğursuzluqları səbəbindən daxil oldu.

Publika.az xəbər verir ki, bunu “RİA Novosti” agentliyinə müsahibəsində İranın Almaniyadakı keçmiş səfiri Seyid Hüseyn Musavian deyib.

"İsrail İrana qarşı apardığı on günlük əməliyyatdan sonra məğlubiyyətin astanasında idi. Əgər bu baş verməsəydi, ABŞ işə qarışmazdı", - diplomat deyib.

Keçmiş səfirin sözlərinə görə, İran tərəfi çox ciddi itkilər verib, lakin Vaşinqton da mənfi nəticələrlə üzləşəcək. O, baş verənlərin bütün regionda sülh və təhlükəsizliyə təsir edəcəyini vurğulayıb.

Musəvi onu da əlavə edib ki, ABŞ-ın bu hərəkəti İsrailin baş naziri Binyamin Netanyahunun Ağ Evə təsirinin həcmini bir daha nümayiş etdirdi.