Suriyanın paytaxtı Dəməşq şəhərinin Duveyla bölgəsindəki yunan pravoslav kilsəsində terror aktı baş verib.

Publika.az xəbər verir ki, bu barədə Suriya telekanalı məlumat yayıb.

Söhbət Mar Elias kilsəsindən gedir. Şahidlərin dediyinə görə, iki nəfər ibadət edən şəxslərə atəş açmağa başlayıb, bundan sonra onlardan biri özünü partladıb. Qeyd olunub ki, hadisə nəticəsində 25 nəfər ölüb.

Suriya Daxili İşlər Nazirliyi isə bildirib ki, İŞİD-in üzvü olan terrorçu-kamikadze kilsədə özünü partladıb.