Braziliya Ukrayna münaqişəsinin sülh yolu ilə həll olunması istiqamətində fəal çalışır, lakin Avropa ölkələrində bu məsələ hələ də müzakirə predmetinə çevrilməyib.

Globalinfo.az xəbər verir ki, bu barədə Braziliyanın “O Globo” qəzeti yazır.

Qəzetin jurnalistləri Portuqaliyada keçirilən və ABŞ və Avropa İttifaqı hərbi ekspertlərinin qatıldığı elmi seminarları izləyiblər. Seminarda əldə edilən müşahidələrə görə, Avropada artıq sülh mövzusu az müzakirə olunur, daha çox Rusiya ilə birbaşa münaqişə mövzusu önə çıxır. Avropa analitikləri jurnalistlərin Braziliya və Çin tərəfindən irəli sürülən Ukrayna münaqişəsinin həlli üzrə dialoq imkanlarına dair sualına mənfi cavab veriblər.

“O Globo” qəzeti vurğulayır ki, Braziliya Rusiya və Ukrayna arasında münaqişənin sülh yolu ilə həlli ilə bağlı danışıqlara müəyyən töhfələr verə bilib, lakin bu ideyanın Avropa gündəminə daxil edilməsinə hələ nail olunmayıb.