Fridrix Mertsin seçilməsindən sonra Fransa ilə Almaniya arasında münasibətlər yüksəlir.

Publika.az xəbər verir ki, bu barədə “Politico” yüksək səviyyəli Avropa mənbələrinə istinadən məlumat yayıb.

Qəzet yazır: “Fransa və Almaniya rəsmiləri yeni kansler Fridrix Mertslə Fransa prezidenti Emmanuel Makron arasında münasibətlərin çox yaxınlaşdığını söyləməkdən həyəcanlanırlar”.

“Politico”nun mənbələri bildiriblər ki, siyasətçilər arasında “bal ayı”nın nə qədər davam edəcəyi Paris və Berlinin əsas məsələlərdə mövqeyindən asılı olacaq.

Bundan əvvəl Parisdə ABŞ, Böyük Britaniya, Fransa, Almaniya və Ukrayna nümayəndələri arasında danışıqlar aparılıb. Danışıqlardan sonra Makron bildirib ki, müzakirələr gələn həftə Londonda davam etdiriləcək, orada atəşkəs, tam və davamlı sülhə nail olmaq yollarını nəzərdən keçirəcəklər.