Rusiya Xarici Kəşfiyyat Xidmətinin rəhbəri Sergey Narışkin bildirib ki, Rusiya ilə NATO arasında münaqişə yaranarsa, ilk olaraq Baltikyanı ölkələr və Polşa zərər çəkəcək.

Publika.az xəbər verir ki, o bu bəyanatı Belarus prezidenti Aleksandr Lukaşenko ilə görüşündən sonra verib.

Narışkin bu ölkələri "xüsusi aqressivlikdə" və "qılınc oynatmaqda" ittiham edərək, Polşanın sərhədlərini möhkəmləndirmək və öz ərazisində ABŞ nüvə silahlarını yerləşdirmək niyyətini xatırladıb:

"Onlar başa düşməlidirlər Şimali Atlantika Alyansının ittifaq dövlətinə qarşı təcavüzü halında, əlbəttə ki, bütün NATO blokuna zərər dəyəcək. Lakin daha çox zərər çəkən ilk olaraq bu cür ideyaların daşıyıcıları, Polşa və Baltikyanı ölkələrin siyasi dairələri arasında olacaq”.

Məlum olduğu kimi, Şimali Atlantika Alyansı Rusiyanın mümkün hücumuna hazır olmaq istəyir. Ölkələr müdafiə imkanlarını gücləndirir, genişmiqyaslı təlimlər keçirirlər. Bir sıra media orqanlarının və Qərb kəşfiyyat agentliklərinin məlumatına görə, NATO-nun təhlükəyə hazırlaşması üçün bir neçə il vaxtı var.