ABŞ Ukraynaya faydalı qazıntıların işlənməsi ilə bağlı böyük yeni saziş təklif edib.

Globalinfo.az TASS-a istinadən xəbər verir ki, bunu Ukrayna Prezidenti Volodimir Zelenski jurnalistlərlə görüşdə açıqlayıb.

“Yeni saziş barədə: bu, böyük, tamhəcmli sazişdir. İndi ABŞ tərəfi bizə böyük saziş təklif edir. Hələlik detallar məndə yoxdur, bunu araşdırmağı xahiş etdim, parlamentə ratifikasiya üçün göndərməzdən əvvəl baxacağıq”, – deyə Zelenski bildirib.

***

Ukrayna prezidenti Volodimir Zelenski Səudiyyə Ərəbistanında keçirilən görüşlərdən sonra ABŞ nümayəndə heyəti ilə Ukrayna nümayəndələri, Amerika tərəfinin isə Rusiya nümayəndələri ilə razılaşmalarda müəyyən fərqliliklərin olduğunu bildirib.

Globalinfo.az APA-ya istinadən xəbər verir ki, Zelenski Səudiyyə Ərəbistanında keçiriləcək görüşlərdən sonra iki bəyanatın açıqlanacağını bildirib. Bunlardan biri Ukrayna və Amerika tərəfləri arasında razılaşmaların nəticəsidir, ayrıca bəyanat Amerika və Rusiya nümayəndə heyətləri arasında keçirilən görüşün nəticəsidir. Bu iki fərqli bəyanatdır, çünki onlarda beşinci maddə fərqlidir.

“Əvvəla, razılaşdığımız ilkin məqam odur ki, dənizdə sakitlik və sərbəst hərəkət mümkündür”, – Zelenski qeyd edib.

Ukrayna nümayəndə heyəti həmçinin Amerika tərəfi ilə infrastruktura zərbələr kontekstində atəşkəs barədə ayrıca danışıqlar aparıb.

Müqavilənin ikinci bəndi enerji sisteminə hücum etməməkdir. Həm Ukrayna, həm də Rusiya tərəfinin.

Prezidentin sözlərinə görə, Ukrayna mülki infrastrukturun qorunması məsələsini qaldırıb, lakin bu, bəyanatda yer almayacaq.

Razılaşmanın üçüncü bəndi nəzarət və monitorinqə aid olub.

Eyni zamanda, ABŞ-ın təklifi ilə sazişin dördüncü bəndi hər kəsin nəticənin davamlı sülh olması üçün çalışacağına aiddir.

Ukraynanın ABŞ, ABŞ-ın Rusiya ilə verdiyi bəyanatlardakı razılaşmanın beşinci bəndi fərqlidir.

“Bildiyimizə görə, ruslar Amerika tərəfinin ruslara öz kənd təsərrüfatı sektorunu, kənd təsərrüfatı məhsullarını daşımaqda kömək etməsi məsələsini qaldırıblar. Yəni söhbət limanlardan, tariflərdən və bu kimi şeylərdən gedir. Biz buna razı olmadıq ki, ümumi sənədimizdə olsun. Hesab edirik ki, bu, mövqelərin zəifləməsi və sanksiyaların zəifləməsidir”, – Zelenski qeyd edib.

Eyni zamanda o bildirib ki, bu məqamın təfərrüatları hələlik məlum deyil, çünki ABŞ və Rusiya nümayəndə heyətlərinin görüşündə Ukrayna tərəfi iştirak etməyib.