Müharibəni torpaqlarımıza kim gətiribsə, o da aparmalıdır.
Globalinfo.az xəbər verir ki, bunu Ukrayna Prezidenti Volodimir Zelenski deyib.

Sosial media hesabında müraciətində bu gün Ər-Riyadda baş tutan müzakirələr barədə danışan Zelenski görüşün faydalı keçdiyini bildirib.

“Bu gün Səudiyyə Ərəbistanında Ukrayna və ABŞ komandalarının ikinci görüşü keçirildi. Bu dəfə daha çox texniki səviyyədə bir görüş idi – hərbçilərimiz, diplomatlarımız, Energetika Nazirliyimizin nümayəndələri iştirak etdi. Az əvvəl Rüstəm Umerovla danışdım. O mənə görüş və danışıqların gedişi barədə məlumat verdi. Bizim komandamız çox konstruktiv işləyir, danışıqlar faydalıdır. Delegasiyalar işini davam etdirir. Amma bizim tərəfdaşlarla nəyi müzakirə etməyimizdən asılı olmayaraq, Putini zərbələrin dayandırılmasına əməl etməyə məcbur etməliyik: torpaqlarımıza müharibəni gətirən adam da onu buradan aparmalıdır”, – Ukrayna Prezidenti əlavə edib.