Avropa həmişə Amerika Birləşmiş Ştatlarının əlində alət olub və ona əmr olunanı edir.

Publika.az xəbər verir ki, bunu təqaüddə olan amerikalı kəşfiyyatçı Skott Ritter bildirib.

O bildirib ki, həmişə Avropa ölkələrinin nümayəndələrinə ABŞ-ın onların dostu olmadığını deyib.

“Avropa ölkələri onlara dediyimizi etmək üçün mövcuddur. Avropa ABŞ-ın alətidir. Bu silah bir məqsədə xidmət edir - qırılana qədər işləyir. O, qırılanda isə onu atıb yenisini axtarmağa başlayırıq”, - deyə Ritter bildirib.

Onun sözlərinə görə, Avropa ölkələri Ağ Evin təsiri altına düşdüyü onilliklər ərzində müstəqil olaraq hər hansı qərar qəbul etməyi və istənilən addımı atmağı unudublar.

“Bizi Avropa, Hindistan və ya başqa bir ölkə maraqlandırmır. Bizi ancaq Amerika maraqlandırır", - o vurğulayıb.