Rusiyanın xarici işlər naziri Sergey Lavrov Ankaraya səfər edib.

Publika.az xəbər verir ki, bu barədə "RİA Novosti" məlumat yayıb.

Agentliyin məlumatına görə, səfər zamanı xarici siyasət idarəsinin rəhbəri Türkiyə tərəfi ilə beynəlxalq vəziyyəti və ölkələr arasında ikitərəfli münasibətləri müzakirə edəcək.

Türkiyə Xarici İşlər Nazirliyindəki mənbə əlavə edib ki, nazir Hakan Fidan Ukraynadakı münaqişənin həlli, Rusiya Federasiyası və ABŞ nümayəndə heyətləri arasında danışıqlar prosesi və Lavrovla danışıqlar zamanı Ankaranın baş verənlərə mümkün töhfəsinə toxunmağı planlaşdırır.

Fidan xüsusən də Türkiyənin münaqişənin həlli üçün danışıqları qəbul etməyə hazır olduğunu bəyan etmək niyyətindədir.